Arabic
مجلة سكتش : مبادرة شبابية من بنغازي 
April 22, 2015
1




” الفكرة في بادئ الأمر بدأت من فتاة تفكر كيف تضع بصمة في عالمها  حتى ولو كانت بصمتها ولو تؤثر بشكل قليل … لكنها على اي حال تظل بصمة ستؤثر وتتأثر. هذه البصمة بدأت بكلمة بسيطة فأصبحت مجلة بها العديد من الكلمات ولا تكتمل مسيرتنا الا بمشاركتكم لنا بآرائكم، نقدا ام مدحا.  معاَ ننظر لمستقبل متجدد ومتطور في هذا المجال“ –  مجلة سكتش 


مجلة سكتش مبادرة شبابية بدت بيني انا عائشة الهواري وفطوم الفلاح صاحبتي.  كانت الفكرة الأساسية منها نحن قرايتنا ديما شغل وديما لاهيين و فجأة في الحرب بدا الروتين الممل ولقينا الوقت يضيع وخلاص ف كنت نحكي معاها كيف نستفيدو من وقتنا هي قالت نديرو مجلة  وبدت من هنا بدينا شنو تحكي المجله وشنو مواضيعها  ف قررنا تكون معماريه بحكم تخصصنا و تهتم بالفنوون كله بدون تخصيص .. بعدها بدينا نفكروا ف الموقع يعني هي اون لاين  ف لقت فطوم الفلاح الموقع خاص بالمجلات ومنها بدينا ف المواضيع  ان كل مره ندرسو مدينه في ليبيا من من حيث المعمار واحسن او اقدم مبنى  واساطير وتااريخ المدينة  وفي قسم مكملات العماره  يختص ب لاند سكيب والديكور … والاستتكشاف فيه جوائز معماريه عالمية و مشاريع الطلبه اللي بس حده ينعرض ف الجامعه وما حد يهتم من بعده !!  فيه مكتبة اللي فيها دروس وبحوث نحن استفدنا منهن قبل غيرنا والمعرض كان فكرته ان يلم الشباب الموهوب  ويكون معرض اون لاين وكل حد يهتم  بفن غيره وممكن يتعلم منه ويتبعه ع الفيسبوك. 
المجلة تصدر كل ثلاث شهور، أول عدد من المجلة عدد كان اصداره يوم 20/4  وكان اول مدينة في قسم المعمار مدينة بنغازي حكينا ع تاريخها واسطورة نهر النسيان واثنين من مبانيها البارزة القديمة، هذا الجزء اللي حيتغير في باقي الاعداد اما الباقي حيكون كيف ماهو طبعا بس نكملو تسلسل الدروس والبحوث. 
 
  كتابة : عائشة الهواري. 

Leave a Reply

1 comment

  1. عمل جيد أرجو الاستمرار فيه