Arabic
في استطاعتي تحقيق أشياء اكبر , سوف اقوم بتحقيق اهدافي
December 6, 2014
0

. لما كنت في الجامعة كانت عندي سبب مقنع اني اتفادى طلبات الزواج من المجتمع المحيط بي  بس بعد ما تخرجت ما بوش يقتنعوا انني نبي نختار الشخص الي بنتجوزه بروحي

كانوا يجيبوا اسماء ويقولوا لي ” توافقي ولا لا ؟ “ والشخص الي جايب العريس ديما مقتنع بيه انه مليح

“و مش هكي وبس يحطموك معنويا ويقولولك ” ِانت كبيرة توا ” ” ما في حد حيتجوزك

” معاش تتشرطي ” ” مش كل شي تبيه تاخديه ” ” امتى تبي تجيبي صغار ؟ في الاربعين من عمرك؟

كنت نرد عليهم بطريقة مضحكة لان ما كانش عندي نية نفتح نقاش معاهم . يبوا يجوزوك باي طريقة حتى ولو يشكوا يوميا على حياتهم الزوجية .

ما فيش ولا واحد سالني شن تبي ديري بعد التخرج . كلهم يسألوا في نفس السؤال ” ما فيش حاجة ” ويشبحوا لصبع الخاتم

و كانوا يحرجوا لو قلتلهم عندي احلام اخرى . يردوا عليا ان من واجبي ان اتجوز . عادي ميهمش وين يجي الراجل حتى لو جبته من الشارع . كانوا يقولوا لي لازم ندور واحد بسرعة

احد الاصدقاء اعطتني نصيحة امها اعطتها لها لما بدأت الجامعة ” الشهادة في ايد والراجل في اليد الاخرى “

تحملت لمدة سنة كاملة بعدها قررت اني نحزم حقائبي لملاحقة اشياء افضل( اكمال تعليمي ) لان في استطاعتي تحقيق أشياء اهم من ملاحقة راجل .

   شاركي معنا بقصتك على تويتر او فيسبوك

@psilphium   #مشروع_سيلفيوم 

كتابة ” my own husband “

ترجمة ismcdit

Leave a Reply