Arabic
سرقة الأفكار 
November 11, 2015
0



بعد يجيك عيل صغير و يسألك من اخترع اللامبة اكيدة هكي دغري تقول توماس إديسون، صح؟ خلونا نديروا شويا مراجعة تاريخية على موضوع اللامبة و الكهرباء و سرقة الأفكار. 

نيكولا تيسلا كان عالم صغير سايبيري و امريكي وكان و نشيط و عبقري و مليان افكار جا واشتغل عند توماس إديسون ، لعند توا مازال في ناس يحسابوا إديسون اخترع اللامبة بس الحقيقة تيسلا اخترع اللامبة 💡 مع عرم حاجات اخرى، نفس التيار المتردد ⚡️(الحاجة الي ببساطة بعد تنقطع نقعدوا نراجوا فيها ب12 ساعة عشان ترد و حياتنا تستمر)، إديسون عبارة عن أن عرف كيف يبيع الفكرة الي كانت متاع اصلا متاع تيسلا  لانه كان هكي رجل اعمال و متاع بيزنس اما تيسلا كان مهتم بالعلم و مساعدة البشرية مش بالفلوس و الشهرة. عنده جملة مشهورة يقول فيها ” انا لا أستاء عند سرقة الأخرين أفكاري أكثر من استيائي لعدم أمتلاكهم أفكار لأنفسهم ”  حتسرق حتسرق حتسرق بعدها توصل مرحلة و تمل و تبطل و يستمر الشخص الحقيقي في الشغل لأنه يفكر و انت لا . لذلك خلونا نرتقوا شويا بأنفسنا و نحترموا أفكار الغير و ندعموها مش نسرقوها. 

اكيدة وجعكم تيسلا صح؟ هذا لنك فيه قصة حياته و أخترعاته كلهن خلونا نعطوه الإهتمام الي يستحقه 
http://theoatmeal.com/comics/tesla
Artwork By : Soltreis 

Leave a Reply