تقدير الذات وتقبلها Positive Body Image 



بعد تشوفي انعكاسك في المرايا كل الي تشوف فيه عبارة عن شكلك الخارجي، و تبدي تقارني في روحك مع اي وحدة اخرى، صاحبتك، ممثلة، موديل إلى آخره. . بمعنى اخر بعد تشوفي روحك في المرايا انتي ادوري على عيوبك وتركزي عليهن اكثر حاجة. ديما ننسوا أن الناس مايشوفوش فينا كيف ما نحنا نشوفوا في روحنا، يعني مايشوفوش في شكلك الخارجي بس، يشوفوا في شخصيتك، افكارك، ستايلك، انتِ ككل يشوفوا فيك كإنسان. 

ننصدم مرات بعد نلقى بنية صغيرة عمرها 8 او 10 سنوات تحكي كيف انها تكره جسمها و تبي ادير ريجيم و تنقص و تقعد باربي، كل وحدة فينا لازم تحب روحها و تقبل شكلها و جسمها، كل ما وحدة فينا تقبلت روحها واحترمت جسمها حتعطي مثال أن الكمال هذا صورة خارجية بس ومفروض نركزوا على الحاجات الاهم، نفس تفكيرنا و تصرفتتا مع الناس التانية اهم من اي شكل و من اي جينات، لان الحاجة هذي نقدروا نختاروها.  كل وحدة تبدا بروحها و تحاول تقبل روحها عشانها و عشان خواتها و بناتها وصاحباتها. 
#stopbodyshaming #loveyourself 

Share your thoughts