Arabic
دفاع عن النفس
January 8, 2015
0

IMG_0757.JPG

”انا لا أعتبره عنف عندما يكون للدفاع عن النفس، بل أعتبره ذكاء” – مالكوم اكس

صاح ماتعرفيش امتى تستخدميها، لكن القدرة على انك تحمي نفسك حاجة ضروري تاخديها بجدية. الدفاع عن النفس مهم لان الاحصائيات تقول ان النساء مرشحات بجدارة انهن يكونن ضحايا لجرائم العنف.

بحسب مكتب التحقيقات الفيدرالي – FBI:
•كل 46 ثانية تغتصب امرأة.
•75 بالمئة من الاغتصابات يكون الجاني يعرف الضحية.
•25 بالمئة منهن يصيرن في أماكن عامة.
•4 نساء ينقتلن يوميا بسبب شريك غير سليم اخلاقيا.

وهذا علاش لازم نعرفوا الاساسيات باش توقف بيهن اي اعتداء:

•انك تكوني واعية ديما وتشبحي المكان اللي قاعدة تمشي فيه وتركزي عيونك على اللي قاعد يصير قدامك موش تقعدي متسمرة في تليفونك.

•احرصي انك تمشي في اماكن مضيئة وتجنبي الزنقات المظلمة.

•ابقي على مفاتيحك جاهزة اذا كنتي ماشية للسيارة، لو حد اعتدى عليك تقدري تستعملي مفاتيحك كسلاح (حنشرحوا لوطا).

•اهم حاجة لو حد اعتدى عليك ان تبقي على نفسك هادئة لان الهيستيريا مش حتساعدك بل حتساعد المعتدي.

•ماتقاوميش علشان الحاجات المادية، لانك قابلات للاستبدال، بس حياتك لا.

•مرفقك يعتبر اقوى نقطة في جسدك، استعمليه باش تخبطي المعتدي في الاماكن الحساسة، كيف عيونه، وركبيه، وفخذه.

•لو حد رماكي في شنطة السيارة، اركلي مكان اللامبة الخلفية للسيارة لعند ما تكسريها وطلعي يدك برا وشيري بكل قوة. المعتدي مش حيشبحك، لكن الاخرين حيفطنوا.

•لو يديك مقيدات بشريط لصقة، حاولي تخليه مبلل، لانه حيبدا يفقد ترابطه ويسهل عليك فك نفسك.

•لو المعتدي هاجمك من الخلف، اخبطي راسك في وجهه بأقوى قوتك. هذه حتسببله الم كبير وحيطلقك للحظة تقدري فيها تهربي منه.

•لو المعتدي بحوزته مسدس، اجري! الخبراء يقولوا ان احتمالية اطلاق المعتدي على هدف يجري 4 من 100 مرة، وحتى في الاحتمالية البسيطة هذه شبه مستحيل انه يضرب مكان حساس.

•ماتخليش المعتدي يرفعك لمكان فاضي وخلاء خالي! ابذلي اللي في استطاعتك باش توقفيه.

•ماعمركش تحاولي تقاومي المعتدي وتفوزي عليه، ديما استغلي كل فرصة تفوق باش تهربي منه.

•استعملي اشياءك اليومية الموجودة في حقيبتك كأسلحة:

°المفاتيح: انغزي بيه العيون، او اصفقي بيه الحلق، او الكمي بيه الوجه. حطيه بين اصابعك لما تجهزي قبضة تضربي بيها.

°أقلام الرصاص والبيرو: استعمليهن بنفس طريقة المفتاح، نفس المفعول.

°احذية الكعب العالي: استعمليهن وصوبي باتجاه عين او وجه المعتدي.

°بخاخ الشعر او النفس: لو استعملتيه على عين المعتدي بمسافة قريبة ممكن تكسبي وقت للهروب.

°حقيبتك: لو كانت ثقيلة بعض الشيء، رميها بقوة على المعتدي قد تربكه او تفقده توازنه وتعطيك فرصة للهرب.

•تجنبي خنبة السيارات عن طريق اغلاق ابواب السيارة وابقاء الرواشن مغلقة.

•ماتخليش روحك هدف، تجنبي المجوهرات الملفتة، ترك الأشياء القيمة مرأى للجميع، تشيلي معاك حاجات ثقيلة، او انك تظهري فلوسك.

•لو انت في دولة ماتعطيش دروس دفاع عن النفس، خشي اونلاين وحتلقي في اليوتيوب طرق هلبا مختلفة.

•نحن نعيشوا في عالم مجنون، فالاحسن انك اتديري اللي عليكي بيش تقعدي في امان.

انت لا تدري متى تصبح قويا الا عندما تكون القوة الخيار الوحيد لديك”

ترجمة : M.B

ملاحظة : الصورة المرفقة لوحة للفنان الفرنسي تيودور جريكالت، تحت عنوان ” أسد يهاجم حصان“. الأسلوب : رومانتيكي ( خيالي او وهمي ).

Leave a Reply